لاہور (رپورٹنگ آن لائن) پیپلز پارٹی کے رہنما اعتزاز احسن نے کہا ہے کہ پی ڈی ایم میں شامل جماعتیں صدق دل سے ایک دوسرے کے ساتھ نہیں‘سب سے زیادہ جعلی خبریں مریم نواز کے پاس ہوتی ہیں‘مریم نواز کے پاس جج کی ویڈیوز تھیں تو انکو کسی عدالت میں پیش کیوں نہیں کیا گیا؟‘
نواز شریف کو سچا ثابت کرنے کیلئے ثاقب نثار کی آڈیو ”فیک نیوز “ہے‘ نواز شریف کی میڈیکل رپورٹس لیباٹری سے جعلی بنوائی گئیں‘نواز شریف کو وطن واپس لانا حکومت کے بس کی بات نہیں۔ پیپلز پارٹی کے رہنما اعتزاز احسن نے ایک بار پھر مسلم لیگ ن کی قیادت کو نشانے پر رکھ لیا۔
لاہور ہائی کورٹ کے باہر میڈیا سے گفتگو میں انہوں نے کہا کہ پی ڈی ایم میں شامل جماعتیں سچے دل سے ایک دوسرے کے ساتھ نہیں ہیں۔ میرا مشورہ ہے ان پر اعتبار نہ کیا جائے۔ان کا کہنا ہے کہ سب سے زیادہ جعلی خبریں مریم نواز کے پاس ہوتی ہیں۔ اگر مریم نواز کے پاس جج کی ویڈیوز تھیں تو انکو کسی عدالت میں پیش کیوں نہیں کیا گیا؟ مریم نواز دعویٰ کرتی ہیں کہ میرے پاس اور بھی ثبوت ہیں۔
مریم نواز کے پاس جو ثبوت ہیں وہ عدالت میں پیش کیوں نہیں کرتیں۔انہوں نے کہا کہ نواز شریف کو سچا ثابت کرنے کے لیےثاقب نثار کی آڈیو فیک نیوز ہے۔ نواز شریف کو وطن واپس لانا حکومت کے بس کی بات نہیں۔ نواز شریف کی میڈیکل رپورٹس لیباٹری سے جعلی بنوائی گئیں۔
