اسلام آباد(رپورٹنگ آن لائن)وزیر اعظم کے معاون خصوصی عثمان ڈار نے کہا ہے کہ پی ڈی ایم رہنما ریاستی رٹ کو چیلنج کر رہے ہیں۔
جمعرات کو نجی ٹی وی پروگرام میں گفتگو کرتے ہوئے کہا کہ کورونا کی پہلی لہر میں کورونا پر قابو پانے کی پالیسی کو سراہا گیا اور حکومت آج بھی کورونا سے نمٹنے کے اقدامات پر عمل کے لیے پرعزم ہے۔
انہوں نے کہا کہ کورونا سے بچا ﺅکے لیے احتیاط لازمی ہے اور اس کے لیے ہر شخص کو ذمہ داری ادا کرنی ہو گی۔ ملتان جلسے سے متعلق حکومت پر الزام عائد کیا جا رہا ہے جبکہ ہم نے پاکستان ڈیموکریٹک موومنٹ (پی ڈی ایم)کو جلسوں سے روکا لیکن انہوں نے پھربھی کیا۔عثمان ڈار نے کہا کہ ملتان میں حکومتی احکامات پھاڑ دیے گئے اب اگر پی ڈی ایم رہنماﺅں نے ایس او پیز کی خلاف ورزی کی تو گرفتاریاں ہوں گی۔ پی ڈی ایم رہنما ریاستی رٹ کو چیلنج کر رہے ہیں جو قابل قبول نہیں۔
انہوں نے کہا کہ خود ساختہ مہنگائی کرنے والوں کے خلاف کارروائیاں کی جائیں گی جبکہ مہنگائی صرف پاکستان تحریک انصاف (پی ٹی آئی)نہیں ہر دور حکومت میں ہوئی ہے تاہم بہت جلد مہنگائی میں کمی آجائے گی۔معاون خصوصی نے کہا کہ اپنے پروگرامز میں ماسک، کورونا ٹیسٹ اور احتیاط کی ہدایت دیتے ہیں لیکن عوام کو سڑکوں پر بلاتے ہیں۔ جلسوں جلوس سے کوئی حکومت نہیں گئی۔انہوں نے کہا کہ پی ڈی ایم کے 11کھلاڑی مل کر بھی عمران خان کے اکیلے جلسوں کا مقابلہ نہیں کر سکتے۔
