لاہور( ر پورٹنگ آن لائن) پی آئی اے میں اصلاحات اور احتساب کا عمل جاری، پی آئی اے نے ستمبر کے مہینے میں 54ملازمین کے خلاف ایکشن لے لیا، تا ہم پی آئی اے کے شبعہ ہیومن ریسورس نے ملازمین کے خلاف کی جانے والی کاروائی کی فہرست جاری کر دی پی آئی اے نے جعلی تعلیمی اسناد کے حامل 07 ملازمین کو ملازمت سے فارغ کر دیا ہے
ترجمان کے مطابق پی آئی اے نے بغیر اطلاع کے کئی عرصے سے غیر حاضر 08 ملازمین کو فارغ کر دیا
پی آئی اے نے کمپنی کے اثاثہ جات کو نقصان پہنچانے پر 02 ملازمین کو فارغ کر دیا سرکاری معلومات غیر قانونی طور پر افشا کرنے ہے ایک ملازم کو برطرف کر دیا گیا ہے.
پی آئی اے نے بدعنوانی اور غبن میں ملوث چھ ملازمین کو برخاست کر دیا ہےمنشیات کی نقل و حمل اور سمگلنگ میں ملوث دو ملازمین برطرف کر دیا ہےسرکاری دستاویزات کی چوری اور ریکارڈ کو نقصان پہنچانے پر دو ملازمین کو برخاست کیا گیا ہے پی آئی اے نے کام سے انکار پر ایک ملازم کو برخاست کیا ہے.
ترجمان کے مطابق پی آئی اے نے ایس او پیز کی خلاف ورزی کر نے والے پانچ ملازمین کے انکری منٹ میں کٹوتی بطور سزا کر دی
پی آئی اے نے احکامات کے مطابق عمل نہ کرنے پر 09 ملازمین کی تنزلی کی گئی ہے
دس ملازمین ضابطے کی کاروائی کے بعد بے قصور پائے گئے ہیں.
پی آئی اے نے اچھی کارکردگی کے حامل 13 ملازمین کو تعریفی اسناد بھی جاری کی گئیں جبکہ 07ملازمین کو کیش ایوارڈ بھی دئیے
تمام کاروائیاں قانون اور ضابطے کی قواعد پورے کرکے کی گئیں ترجمان پی آئی اے عبداللہ خان کے مطابق
پی آئی اے میں بغیر کسی دباو کے سزا جزا کا عمل جاری ہے اور جاری رہے گا ۔
