ملتان(رپورٹنگ آن لائن)پاکستان پیپلز پارٹی نے سابق وزیراعظم یوسف رضا گیلانی کو سینیٹ کا الیکشن لڑوانےکافیصلہ کر لیا،نجی ٹی وی کے مطابق پیپلزپارٹی نے اپنے مرکزی رہنما اور سابق وزیر اعظم یوسف رضا گیلانی کو وفاقی دارالحکومت اسلام آباد سے الیکشن لڑوانے کا فیصلہ کر لیا ہے اس حوالے سے سابق صدر آصف علی زرداری اور دیگر پارٹی قائدین نے یوسف رضا گیلانی کی کامیابی کے لیے لابنگ شروع کر دی ہے،
یوسف رضا گیلانی کو سینیٹ کے لیے مسلم لیگ ن، جے یو آئی اور اے این پی سمیت اپوزیشن کی تمام جماعتیں ووٹ دیں گی، یوسف رضا گیلانی کو حکمران اتحاد میں شامل جماعتوں نے بھی ووٹ دینے کی یقین دہانی کروائی ہے، کامیابی کی صورت میں یوسف رضا گیانی اپوزیشن کی طرف سے چیئرمین سینیٹ کے مشترکہ امیدوار بھی ہو سکتے ہیں۔
