اسلام آباد (رپورٹنگ آن لائن) پیپلز پارٹی کی رہنما و سینیٹر شیری رحمان نے پاکستان ٹوارزم ڈیویلپمنٹ اتھارٹی کے ملازمین کو بحال کرنا کا مطالبہ کر تے ہو ئے کہا کہ نیویارک سے ناران تک تباہی سرکار پاکستان کے اثاثوں کو فروخت کرنے مصروف ہے۔
بدھ کے روز اپنے ایک بیان میں انہو ںنے کہا کہ حکومت نے کروناوائرس کے دوران سیاحت کھولنے کا اعلان کیا اب سیاحت کے اداروں پر تالا لگایا جا رہا ہے اس وقت چترال سے سوات تک مقامی و عالمی سیاحوں کے لئے رہنے کی کوئی جگہ نہیںپی ٹی ڈی سی کے آپریشن بند جبکہ ملازمین کو فارغ کر دیا گیا ہے۔
انہو ں نے کہا کہ ایک نوٹیفکیشن سے 450 ملازمین کو بیروزگار کیا گیاوباء کے دوران ملازمین کو فارغ کرنا پالیسی کی خلاف ورزی ہے اگر وفاقی حکومت ملازمین کو نہیں رکھ سکتی تو نجی شعبہ کیوں رکھے گا تبدیلی سرکار 50 لاکھ نوکریان دینے آئی تھی نوکریاں صرف وزیراعظم کے قریبی دوستوں کو ملی ہیں قومی خزانے پر بوجھ وفاقی کابینہ ہے پی ٹی ڈی سی کے ملازمین نہیں۔
انہوں نے مزید کہا کہ نااہل حکومت اور کابینہ پورے ملک پر بوجھ ہے ملک کو تباہی کے دہانے پہنچانے والے وزیراعظم اور ان کی کابینہ ہیں پی ٹی ڈی سی ملازمین نہیں تباہی سرکار نے اپنی ہر ناکامی کا الزام دوسروں پر ڈالا ہے 23 ماہ میں اس حکومت نے کوئی ایک ادارہ نہیں بنایا پاکستان کے اثاثوں پر وزیراعظم کے دوستوں کو ڈاکا ڈالنے نہیں دیں گے۔
