شہباز اکمل جندران۔۔۔
اسسٹنٹ ڈائریکٹر انویسٹیگیشن اینٹی کرپشن لاہور ریجن نے ڈائریکٹر ایکسائز ٹیکسیشن اینڈ نارکوٹکس کنٹرول ڈیپارٹمنٹ ریجن سی لاہور کو ایک imperative نوعیت کا خط لکھا ہے۔
11جنوری 2021 کو لکھے گئے اس خط میں بیان کیا گیا ہے کہ۔سال 2020 کے مقدمہ نمبر 46 میں تفتیش کا عمل شروع ہے لیکن تاحال کوئی ایک بھی ڈیٹا انٹری آپریٹر، کلرک اور ڈیٹا پروسیسنگ افسر شامل تفتیش نہیں ہوا۔لہذا درخواست کی جاتی ہے کہ مقدمہ ہذا میں ملوث تمام ملازمین 13 جنوری کو دوپہر 12 بجے شامل تفتیش ہوں۔
اینٹی کرپشن نے مقدمہ نمبر 46میں الزام عائد کیا ہے کہ لاہور ریجن سی میں 4 ہزار 397 گاڑیوں کا سکیننگ ریکارڈدستیاب نہ ہونے سے ان گاڑیوں کی رجسٹریشن مشکوک ہوگئی ہے۔
اینٹی کرپشن نے اس عمل کا ذمہ دار ٹھہراتےہوئے26 دسمبر 2020 کو محکمے کے 5 ڈائریکٹروں، 3 ایم آر ایز، 3 انسپکٹرز اور 8 ڈیٹا انٹری آپریٹرز کے خلاف مقدمہ درج کررکھا ہے۔
