لاہور(رپورٹنگ آن لائن)وزیر اطلاعات پنجاب عظمی بخاری نے وزیر اعلیٰ سندھ مراد علی شاہ کی پریس کانفرنس پر اپنے ردعمل میں کہا ہے کہ مراد علی شاہ کو سندھ کے کسانوں سے زیادہ پنجاب کے کسان کے فکر ہے،پنجاب کے کسانوں کی فکر کرنے کیلئے پنجاب کے وارث موجود ہیں،کیا سندھ میں کاشتکار نہیں ہیں،کیا سندھ حکومت نے گندم کی قیمت مقرر کردی ہے،کیا سندھ حکومت نے کسانوں سے گندم خرید لی ہے؟۔
انہوںنے کہا کہ مراد علی شاہ اور ان کی جماعت 16سالوں سے حکمران ہے،اپنی کارکردگی بتائیں،مریم نواز نے ایک سال میں پنجاب کے کسانوں کو 110 ارب روپے کی تاریخی پیکج دئیے ہیں،مریم نواز نے پنجاب کے کسانوں کو کسان کارڈ،گرین ٹریکٹر،سپر سیڈر دئیے،مریم نواز نے ٹیوب ویلز سولرائزیشن اور گندم پر 15ارب کا پیکج دیا ہے۔ انہوںنے کہا کہ پنجاب میں اس سال ریکارڈ گندم کی پیداوار ہوئی ہے.
آئندہ سال اس سے بھی زیادہ گندم کی پیداوار ہو گی ،پنجاب کی ترقی اور خوشحالی دو صوبوں کی حکومتوں کے اعصاب پر سوار ہو چکی ہے۔ انہوں نے کہا کہ مراد علی شاہ پنجاب سے ملانے والی سندھ کی مرکزی شاہراہ کو بند کرنے والے مظاہرین کی حمایت کررہے،مراد علی شاہ کو گنڈا پور سے مختلف نظر آنا چاہیے ۔
