لاہور( رپورٹنگ آن لائن)پنجاب کے دارالحکومت لاہور سمیت 3 شہروں میں مائیکرو اسمارٹ لاک ڈاؤ ن کا نفاذ کردیا گیا ۔تفصیلات کے مطابق لاہور کے 12 مقامات پر مائیکرو اسمارٹ لاک ڈاؤن نافذ کیا گیا، شہر کی 19538 کی آبادی کو مائیکرو اسمارٹ لاک ڈاؤن کیا گیا۔
لاہور کے 12 مقامات سے 28 کرونا کے کیسز رپورٹ ہوئے تھے۔کرونا کے 7 کیسز رپورٹ ہونے پر راولپنڈی کے 947 افراد کو لاک ڈاؤن کیا گیا۔شہر گوجرانوالہ میں مثبت کیسز سامنے آنے پر شہر کے دو مقامات پر گھروں کا لاک ڈاؤن کیا گیا۔
مائیکرو اسمارٹ لاک ڈاؤن کا اطلاق 14 دن کے لیے ہوگا، ان علاقوں میں پولیس کی نفری کو تعینات کر دیا گیا ہے۔ضلعی انتظامیہ کے مطابق لاک ڈاؤن والے علاقوں میں داخلے اور باہر جانے پر پابندی ہوگی تاہم اشیا ئے خورونوش، ادویات، جنرل اسٹور، تندور اور ایمرجنسی سروس کی دکانیں کھلی رہیں گی۔
