لاہور(رپورٹنگ آں لائن)پنجاب کے وزیر تعلیم رانا سکندر حیات نے صوبے میں تعلیمی اداروں میں موسم سرما کی چھٹیوں میں توسیع کی افواہوں کی تردید کر دی۔جاری وضاحتی بیان میں وزیر تعلیم رانا سکندر حیات نے کہا کہ تمام اسکولز اور کالجز اعلان کردہ شیڈول کے مطابق ہی کھلیں گے۔
تمام تعلیمی ادارے 12 جنوری سے ہی کھلیں گے۔رانا سکندر حیات کا کہنا تھا کہ چھٹیوں کی توسیع کے حوالے سے وائرل نوٹیفکیشن جعلی ہے، محکمہ تعلیم کی جانب سے چھٹیوں میں اضافے کا کوئی اعلان نہیں کیا گیا لہذا تعلیمی اداروں میں چھٹیوں میں توسیع نہیں کی جا رہی۔
