لاہور(رپورٹنگ آن لائن)صوبہ پنجاب میں مالی سال 2020-21کے دوران 10.19ارب روپے سے زائد ریونیو وصولی کا ریکارڈ قائم ، تفصیلات کے مطابق وزیر اعلی پنجاب سردار عثمان بزدار نے کہا کہ پنجاب میں کان کنی کے وسائل کا بھرپور اور بہتر استعمال یقینی بنایا جائے گا، کنسٹرکشن سیکٹر کے فروغ کے لیے سیمنٹ سیکٹر پر عائد پابندیاں ختم کردیں،
عثمان بزدار کا کہنا تھا کہ پنجاب میں نئی سیمنٹ فیکٹریوں کے لیے 22نئے این او سی جاری کیے جا رہے ہیں، گزشتہ 3 سال میں 10سیمنٹ پلانٹ کی تنصیب کے لیے این او سی جاری ہو چکے ہیں۔ پنجاب میں سیمنٹ پلانٹ کی تنصیب کے لیے مزید این او سیز کے اجرا کا عمل جاری ہے،انہوں نے مزید کہا کہ نئی سیمنٹ فیکٹریاں قائم ہونے سے روزگار کے مواقع پیدا ہوں گے، پسماندہ علاقوں میں نئی سیمنٹ فیکٹریاں قائم ہونے سے معاشی ترقی ہوگی۔
