میاں تنویر سرور۔۔۔
پنجاب انفارمیشن کمیشن نے شہری شہباز اکمل جندران کی طرف سے دائرکی جانے والی تین الگ الگ اپیلوں کی سماعت کرتے ہوئے ہیرنگ منگل 9 فروری تک ملتوی کردی ہے۔
اینٹی کرپشن اسٹیبلشمنٹ ہیڈ کوارٹر کے خلاف دائر ان اپیلوں میں شہری کی طرف سے اینٹی کرپشن کا کسی بھی انکوائری میں طریقہ کار،سمن برائے طلبی کی مدت، جوڈیشل ایکشن، برسوں پرانی انکوائریوں کی تعداد اور سورس رپورٹس کے متعلق معلومات مانگی گئی تھی۔
تاہم اینٹی کرپشن ڈیپارٹمنٹ کی طرف سے پیک کنندہ کو تسلی بخش جواب نہ دیا گیا۔
گزشتہ روز پیشی کے موقع پر پبلک انفارمیش افسر نے کمیشن کے واضح احکامات کے باوجود ڈائریکٹر لیگل کے ہمراہ خود حاضر ہونے کی بجائے کی بجائے سینئر کلرک کو کمیشن کے روبرو بھیج دیا جس پر چیف انفارمیشن کمشنر پنجاب محبوب قادر شاہ اور انفارمیشن کمشنر پنجاب سعید اختر انصاری پر مشتمل کمیشن نے ناراضگی کا اظہار کرتے ہوئے اینٹی کرپشن کے ڈائریکٹر لیگل اور پبلک انفارمیشن افسر کو 9 فروری کو دوبارہ طلب کرلیا ہے۔
عدالت نے پی آئی او کو تینوں اپیلوں میں تسلی بخش جواب جمع کروانے کا حکم بھی جاری کر دیا ہے۔
