کراچی (رپورٹنگ آن لائن)پریذیڈنٹ ٹرافی گریڈ ون ٹورنامنٹ کے پہلے رانڈ کے پہلے دن کی خاص بات ایس این جی پی ایل کے شان مسعود کی ڈبل سنچری تھی۔
نیشنل بینک سپورٹس کمپلیکس میں ایس این جی پی ایل نے ساحر ایسوسی ایٹس کے خلاف پہلی اننگز میں 2 وکٹوں پر 460 رنز بنائے تھے۔شان مسعود 18 چوکوں اور 2 چھکوں کی مدد سے212 رنز بناکر ناٹ آٹ ہیں۔علی زریاب آصف نے 192 رنز بنائے۔دونوں نے دوسری وکٹ کی شراکت میں390رنز کا اضافہ کیا۔نیشنل بینک سٹیڈیم میں کے آر ایل کی ٹیم واپڈا کے خلاف پہلی اننگز میں116 رنز بناکر آٹ ہوگئی۔
سعد بیگ 22 رنز کے ساتھ ٹاپ سکورر رہے۔عاقب خان نے 18 رنز دے کر 6 وکٹیں حاصل کیں۔وکٹ کیپر بسم اللہ خان نے پانچ کیچز کیے۔واپڈا نے کھیل ختم ہونے پر 4 وکٹوں پر 75 رنز بنائے تھے۔یوبی ایل سپورٹس کمپلیکس میں اوجی ڈی سی ایل کی ٹیم غنی گلاس کے خلاف پہلی اننگز میں 196رنز بناکر آئوٹ ہوگئی،مشتاق کلہوڑو نے 58 رنز بنائے۔نعمان علی اور آفاق آفریدی نے چار چار وکٹیں حاصل کیں۔
غنی گلاس نے کھیل ختم ہونے پر 2 وکٹوں پر 67 رنز بنائے تھے۔سٹیٹ بینک سپورٹس کمپلیکس میں پی ٹی وی کی ٹیم سٹیٹ بینک کے خلاف پہلی اننگز میں صرف 99رنز بناکر آئوٹ ہوگئی۔محمد طحہ نے 47 رنز سکور کیے۔محمد اسماعیل نے 27رنز دیکر5وکٹیں حاصل کیں۔ کاشف علی نے 4 کھلاڑی آئوٹ کیے۔سٹیٹ بینک نے کھیل ختم ہونے پر 4 وکٹوں پر 106 رنز بنائے تھے۔
