اسلام آباد(رپورٹنگ آن لائن ) سابق وزیراعظم راجہ پرویز اشرف سمیت دیگر ملزمان کے خلاف کار کے رینٹل پاور پروجیکٹ ریفرنس میں اہم پیش رفت ہوگئی۔
پیر کو احتساب عدالت کے جج سید اصغر علی نے کار کے رینٹل پاور ریفرنس پر سماعت کی۔ نیب پراسیکیوٹر وسیم جاوید عدالت کے روبرو پیش ہوئے۔نیب نے احتساب عدالت اسلام آباد میں کار کے رینٹل پاور کیس میں ضمنی ریفرنس دائر کردیا۔ عدالت نے ریفرنس کی کاپی ملزمان کے وکلا کو فراہم کرنے کی ہدایت دیتے ہوئے غیر حاضر ملزمان کی طلبی کے سمن جاری کر دیے۔ عدالت نے کیس کی سماعت 13 جولائی تک ملتوی کر دی۔
