لاہور( رپورٹنگ آن لائن)وفاقی وزیرمواصلات عبدالعلیم خان نے افغانستان کی بلا اشتعال فائرنگ کے جواب میں کامیاب کاروائیوں پرپاک فوج کو خراج تحسین پیش کرتے ہوئے کہا ہے کہ ثابت ہو گیاکہ خطے میں کشیدگی کے پیچھے بھارتی ہاتھ ہی کار فرما ہے۔
عبدالعلیم خان نے سوشل میڈیا پلیٹ فارم ایکس پر افواج پاکستان کیلئے تہنیتی پیغام جاری کہا پاک فوج نے بلا اشتعال دراندازی کرنے والوں کومنہ توڑ جواب دیا،بیرونی جارحیت کا بھر پورجواب دے کر وطن عزیز کا دفاع ممکن بنایا گیا،بھارت میں افغانی وزیر خارجہ کے دورے کے موقع پر ایسی کارروائیاں معنی خیز ہیں۔
ثابت ہوگیا کہ خطے میں کشیدگی کے پیچھے بھارتی ہاتھ ہی کار فرما ہے،افغانستان سے دہشتگردی کسی صورت قابل قبول نہیں۔ انہوں نے کہا کہ پاک فوج کو دو اطراف سے ایک ہی دشمن کا سامنا ہے،ہمارے شاہین چوبیس گھنٹے چوکنا ہیں اور کوئی ایڈونچر نہیں ہونے دیں گے۔
