پاک امریکا تعلقات کو دھچکہ لگا ہے تو پھر سے تعلقات بہتر کیے جائیں،صدر عارف علوی

اسلام آباد (رپورٹنگ آن لائن)صدر پاکستان ڈاکٹر عارف علوی نے کہا ہے کہ امریکا اور پاکستان کے تعلقات کو دھچکہ لگا ہے تو دونوں ممالک کے تعلقات پھر سے بہتر بنائے جائیں۔

صدر عارف علوی نے یہ بات پاکستانی امریکن ڈاکٹروں کی تنظیم کے اجلاس سے نیو جرسی میں ویڈیو لنک پر خطاب میں کہی۔نجی ٹی وی کے مطابق اس موقع پر جب ان سے سوال کیا گیاکہ عمران خان تو امریکی سازش کا بیانیہ دہرا رہے ہیں، ایسے میں امریکا سے تعلق بہتر بنانے سے متعلق بات انہوں نے ذاتی حیثیت میں کہی ہے یا صدر پاکستان کی حیثیت سے؟ تو عارف علوی لاجواب ہو گئے۔ صدر مملکت نے کہاکہ امریکا اور پاکستان کے تعلقات کو دھچکہ لگا ہے تو دونوں ممالک کے تعلقات پھر سے بہتر بنائے جائیں۔