اسلام آبا د(رپورٹنگ آن لائن) پاکستان پیپلز پارٹی نے یوٹیلٹی سٹورز پر گھی چینی آٹا کی قیمتوں میں اضافہ مسترد کر دیا۔ اپنے بیان میں پیپلز پارٹی کے سیکرٹری جنرل نیئر حسین بخاری نے کہاکہ یوٹیلٹی سٹورز پر چینی گھی آٹا مہنگا کر نے کے عوام دشمن فیصلہ کی منظوری کابینہ نے دی ہے۔
انہوںنے کہاکہ وہ عمران خان جو کہتا تھا مہنگائی ہو تو سمجھو حکمران چور ہیں۔ انہوںنے کہاکہ پی ٹی آئی سرکار کے دور میں انتہائی کسمپرسی کے شکار گھرانوں کی تعداد میں اضافہ شرمناک ہے ۔ انہوںنے کہاکہ غذائی عدم تحفظ میں مبتلا آبادی کی شرح میں تیزی حکمرانوں کے منہ پر طمانچہ ہے ۔ انہوںنے کہاکہ معاشی بدحالی ناقابل برداشت مہنگائی بے روزگاری کے سونامی کے علاوہ کوئی تبدیلی نہیں آئی۔
انہوںنے کہاکہ بیوٹیلٹی سٹورز پر مہنگائی زخیرہ اندوزوں کی مالی مددگاری متوسط اور غریب لوگوں کی زندگیاں مزید اجیرن بنانا ہے ۔انہوںنے کہاکہ وزیراعظم اور کابینہ سرمایہ داروں سرمایہ کاروں کی مالی معاونت کے سہولت کار بن گئے ہیں ،پی ٹی آئی سرکار سرمایہ کار سرمایہ دار مالیاتی مافیاز دوست اور غریب مزدور محنت کش دشمن حکومت ثابت شدہ ہے ۔ انہوںنے کہاکہ حکومتی چھتری تلے آٹا چینی پٹرول مصنوعی بحران کے زریعے عوام کی جیبوں پر پہلے بھی کھربوں روپے ڈاکہ ڈالے گئے ،بے حس اور بے رحم۔
حکمرانوں کے عوام کش اقدامات سے شہریوں کی زندگیاں اجیرن ہو گئی ہیں ،چنتخب کردہ حکومت انسانی معاشی حقوق غصب کرنے کی حدیں عبور کر رہی ہے ،پیپلز پارٹی ہوشرباء مہنگائی مزید بڑھانے کے حکومتی اقدام کے خلاف پارلیمنٹ کے اندر اور بائر آواز بلند کرتی رہے گی ۔
