لاہور (رپورٹنگ آن لائن) وزیراعلی پنجاب سردار عثمان بزدار نے کہا کہ پاکستان میں ہر شہری کو یکساں حقوق حاصل ہیں لیکن مقبوضہ کشمیر کے لوگ بنیادی حقوق کےلئے برسوں سے جدوجہد کررہے ہیں۔
ان خیالات کا اظہار وزیراعلی پنجاب نے انسانی حقوق کے عالمی دن کے موقع پر جاری اپنے پیغام میں کیا، انہوں نے کہا کہ حضرت محمدنے انسانیت کے لئے انسانی حقوق کا ابدی پیغام دیا ہے اور دین اسلام انسانی حقوق کا علمبردار ہے۔عثمان بزدار نے کہا کہ انسانی حقوق کی پاسداری نہ کرنے والے معاشرے اخلاقی لحاظ سے بتاہ ہوجاتے ہیں اور مودی سرکار نے مقبوضہ کشمیر میں انسانی حقوق کی دھجیاں اڑا دی ہیں۔
انہوں نے کہا کہ مقبوضہ کشمیر کے لوگ بنیادی حقوق کےلئے برسوں سے جدوجہد کررہے ہیں، نہتے کشمیری عوام اپنے بنیادی انسانی حقوق کےلئے ترس رہے ہیں۔وزیراعلی پنجاب کا کہنا تھا کہ عالمی برادی کو مقبوضہ کشمیر میں انسانی حقوق کی پامالیوں کا نوٹس لینا چاہیے، بنیادی انسانی حقوق کی فراہمی مہذب معاشروں کی پہنچان ہے، آج ہمیں ہرشہری کے انسانی حقوق کے تحفظ کے عزم کا اعادہ کرنا ہے۔
