بر لن (آن لا ئن ) جرمنی میں پاکستانی سفیر ڈاکٹر فیصل نے کہا ہے کہ پاکستان مقبوضہ کشمیر کی بھارت سے آزادی تک کشمیریوں کی جائز جدوجہد کی اخلاقی، سیاسی اور سفارتی حمایت جاری رکھے گا۔
جرمن میڈیا کے مطابق جرمنی کے دارالحکومت برلن میں پاکستانی سفارتخانے میں 89ویں یوم شہدائے جموں و کشمیر کی یاد میں گزشتہ روز تقریب منعقد کی گئی۔ سفیر پاکستان ڈاکٹر محمد فیصل نے اس موقع پر اپنے خطاب میں کہا کہ یوم شہدائے کشمیر اس بات کی یاد دلاتا ہے کہ کشمیریوں پر 1947 سے پہلے سے ظلم ہو رہا ہے، اور بہادر کشمیری بھارتی ظلم و جبر کا ڈٹ کر مقابلہ کر رہے ہیں۔
اس موقع پر سفیر پاکستان نے یورپی یونین اور جرمنی میں ہر بین الاقوامی فورم پر مظلوم کشمیریوں کی آاز بلند کرنے کے عزم کا اعادہ کرتے ہوئے کہا کہ پاکستان مقبوضہ کشمیر کی بھارت سے آزادی تک کشمیریوں کی جائز جدوجہد کی اخلاقی، سیاسی، اور سفارتی حمایت جاری رکھے گا۔
مودی حکومت کی جانب سے مقبوضہ کشمیر میں مسلمانوں کی اکثریت ختم کرنے کی کوششوں کی بھی بھرپور مذمت کرتے ہیں،ان کا کہنا تھا کہ بھارتی حکومت کی طرف سے گزشتہ برس اگست میں جموں و کشمیر کی خصوصی حیثیت ختم کیے جانے کے بعد سے کشمیریوں کو انسانی حقوق کی بدترین خلاف ورزیوں کا نشانہ بنایا جا رہا ہے۔
آئندہ ماہ اگست میں اس متنازعہ عمل کو ایک سال مکمل ہو جائے گا، لہٰذا اس کے خلاف دنیا بھر میں بھر پور طریقے سے آواز بلند کی جائے گی۔تقریب میں جرمن دانشور، صحافی اور پاکستانی کمیونٹی کی سماجی اور سیاسی شخصیات نے بھی شرکت کی
