کراچی(رپورٹنگ آن لائن) پاکستان سٹاک مارکیٹ مثبت آغاز کے بعد اچانک منفی زون میں چلی گئی۔
کاروباری ہفتے کے تیسرے روز کاروبار کے آغاز پر سٹاک ایکسچینج میں تیزی دیکھنے میں آئی، 500 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 60 ہزار 690 پوائنٹس کی سطح پر پہنچ گیا۔
تاہم ٹریڈنگ کے دوران سٹاک مارکیٹ منفی زون میں چلی گئی، 1500 سے زائد پوائنٹس کی کمی کے ساتھ پاکستان سٹاک ایکسچینج میں ہنڈرڈ انڈیکس ایک لاکھ 59 ہزار پوائنٹس کی حد بھی کھو بیٹھا۔
واضح رہے کہ گزشتہ کاروباری دن کے اختتام پر ہنڈرڈ انڈیکس شدید مندی کے ساتھ ایک لاکھ 60 ہزار 101 پوائنٹس کی سطح پر بند ہوا تھا۔
