لاہور(رپورٹنگ آن لائن)پاکستان ریلوے میں نوازشات کا سلسلہ نہ رک سکا۔ گریڈ7کے ملازمین کا کیڈر تبدیل کر کے گریڈ 14میں ورک مین سے فور مین میں تبدیل کر دیا گیا۔
ندیم غیور کو قواعد کے برعکس مکینیکل سے الیکٹر یکل میں بھیج دیا گیا۔ تفصیلات کے مطابق پاکستان ریلوے مغلپورہ ڈویژن میں ذاتی پسندیدگی کی بنا پر ملازمین پر نوازشات کا سلسلہ جاری ہے۔ گریڈ 7کے اہلکار نے سکلڈ فٹرڈیزل لوکو شاپ مکینیکل سے سکلڈ فٹر الیکٹریکل شاپ کیڈر تبدیل کروایا تھا جس پر بعد میں انکوائری کی گئی اور ان کے کیڈر کی تبدیلی کو غیر قانونی قرار دے کر ان کو واپس سکلڈ فٹر ڈیزل لوکو شاپ مکینکل میں بھیج دیا گیا۔
ان کو غیر قانونی طور پر گریڈ ساتویں سے گریڈ چودہویں میں ڈیزل فٹر مکینکل لوکو شاپ سے سی سی نمبر 7026 سے اٹھا کر پاور پلانٹ میں چودہویں سکیل میں فور مین لگا دیا گیا۔۔
ڈویژنل سپریٹنڈنٹ ورکس مغلپورہ کی طرف سے جاری کردہ نوٹس کے مطابق ندیم غیور کو انتظامی غلطی کی بناد پر کیڈر تبدیل کیا گیا مگر مکمل تحقیقات میں واضح ہو ا ہے کہ ندیم غیور کے کیڈر کی تبدیلی غیر قانونی تھی اور اسے واپس اپنے متعلقہ کیڈر میں بھیجا جاتا ہے جہاں پر ان کو مزید ترقی دی جائے گی،
مگر اس کے بعد ندیم غیور نے اپنا اثر و رسوخ استعمال کرتے واپس تبدیل شدہ کیڈر میں آنے کی کوششیں تیز کر دیں جس کے بعد مغلپورہ ڈویژن کی موجودانتظامیہ نے ندیم غیور پر نوازشات کرتے ہوئے قوائد کے برعکس انہیں دوبارہ الیکٹریکل میں بھیج دیا گیا ہے۔
مغلپورہ ڈویڑن کے ایک اہلکار نے بتایا کہ ندیم غیور کو میرٹ کی بنیاد پر ان کے کیڈر میں واپس بھیجا گیا اور مگر اب ان کو سکلڈ فلٹر ڈیزل لوکو شاپ الیکٹریکل میں دوبارہ بھیج دیا گیا ہے جس سے ملازمین کے حقوق مجروح ہوئے ہیں کیونکہ ایک مکمل انکوائری کے بعد ان کو واپس بھیجوایا گیا ہے۔
