لاہور( رپورٹنگ آن لائن) وزیر اعلیٰ پنجاب مریم نواز شریف نے ترکیہ کے قومی دن پر ترک قوم اور صدر رجب طیب اردوان کو دلی مبارکباد دی ہے۔
وزیراعلیٰ مریم نواز شریف نے ترکیہ کے قومی دن پر اپنے تہنیتی پیغام میں کہا ہے کہ پاکستان اور ترکیہ کے مابین دوستی کی بنیاد اخوت اور بھائی چارہ ہے۔ ترکیہ ہمارا برادر ملک ہے، اپنے بہن،بھائیوں کی خوشی میں شریک ہیں۔ ترکیہ کی ترقی اور خوشحالی کے لئے صدق دل سے دعا گو ہوں۔
وزیراعلیٰ مریم نواز شریف نے کہا کہ پاک ترک تعلقات محض دو ممالک کے نہیں بلکہ دو عظیم اقوام کا باہمی ربط ہے۔ رجب طیب اردوان کی قیادت میں ترکیہ نے ترقی کے کئی سنگ میل عبور کیے ہیں۔ ثقافتی،تجارتی اور سیاحتی روابط سے دونوں ممالک میں قربت بڑھ رہی ہے۔وزیراعلیٰ مریم نواز شریف نے کہا کہ دعا گو ہوں کہ پاکستان اور ترکیہ کا رشتہ ہمیشہ قائم و دائم رہے۔
