لاہور(رپورٹنگ آن لائن) معاون خصوصی اطلاعات پنجاب فردوس عاشق اعوان نے کہا ہے کہ پاکستان اور بیرون ملک بسنے والے پاکستانی محنت کش ہمارے سر کا تاج، قیمتی اثاثہ ہیں، محنت کش، مزدور ملکی معیشت میں ریڑھ کی ہڈی کی حیثیت رکھتے ہیں،
یکم مئی یوم مزدور کے موقع پر فردوس عاشق اعوان نے سماجی رابطے کی ویب سائٹ پر ٹویٹ کرتے ہوئے دنیا بھر خصوصا پاکستان کے محنت کشوں کو سلام پیش کیا۔ انہوں نے کہا کہ بزدار حکومت مزدوروں، محنت کشوں کیلئے انقلابی اقدامات اٹھا رہی ہے،
پنجاب ورکرز ویلفئیر فنڈ کی منظوری، 7.5ارب کا فنڈ مستحقین تک پہنچایا،فردوس عاشق اعوان نے کہا کہ لیبر سکولز میں مزدوروں کے 55ہزار سے زائد بچوں کو مفت تعلیم کی فراہمی، سکالر شپ کی مد میں 3ارب، ڈیتھ گرانٹ 2ارب اور شادی گرانٹ کیلئے 2ارب سے زائد فنڈز کی فراہمی کی گئی، مزدوروں کے ریکارڈ کی ڈیجیٹلائزیشن، 25ہزار ڈیجیٹل کارڈز کا اجرا کیا جاچکا ہے، وزیراعظم عمران خان کی قیادت میں بزدار حکومت مزدوروں اور محنت کشوں کو زیادہ سے زیادہ سہولیات فراہم کرنے کیلئے پر عزم ہے۔
