اسلام آباد(رپورٹنگ آن لائن) وزیر اعظم کے معان خصوصی برائے قومی سلامتی معید یوسف نے کہا ہے کہ پاکستان اب کسی کے دبا ومیں آئے گا نہ ہی خاموش بیٹھے گا۔
پیر کو نجی ٹی وی سے گفتگو کرتے ہوئے ان کا کہنا تھا کہ یورپی یونین نے واضح بتا دیا کہ بھارت ہر معاملے پر جھوٹ کا سہارا لیتا ہے اور ایک ایجنڈے اور منظم منصوبے کے تحت پاکستان کو ہدف بناتا رہا ہے۔ انہوں نے کہا کہ یورپی یونین نے تسلیم کیا کہ ان کا وفد بھی بھارتی سازش کا حصہ بنا۔
سریواستوا گروپ ساری دنیا کا ریکارڈ چلارہا ہے،ان کا کاروبار دنیا کوبےوقوف بنانا ہے۔ انہوں نے کہا کہ پاکستان نے یورپی یونین سے جعلی این جی اوز اور دیگر معاملات پر تحقیقات کا مطالبہ کیا ہے۔ معید یوسف کا مزید کہنا تھا کہ اندرونی اور بیرونی معاملات کو ایک دوسرے سے الگ نہیں کیا جا سکتا، تصدیق کے بغیر ہواں میں باتیں اندرورنی اتنشار کو جنم دیتا ہے۔
ان کا کہنا تھا کہ بھارت دہشت گردوں کی فنڈنگ کرتا ہے اور ہم اس حوالے سے ڈوزیئر ز دے چکے ہیں، مقبوضہ کشمیر میں بدامنی، مظالم، تشدد اور دیگر صورتحال ساری دنیا کے سامنے آچکی ہے۔ مشیر برائے قومی سلامتی نے کہا کہ پاکستانی اداروں کی ہر چیز پر نظر ہے، پاکستان کے خلاف ہائبریڈ وار جاری ہے۔
