ماسکو(رپورٹنگ آن لائن)پاکستان فلم انڈسٹری کو ایک اور اعزاز حاصل ہوگیا،فلمساز زینب یونس کی ہم آواز روس میں منعقدہ کازان انٹرنیشنل مسلم فلم فیسٹیول کیلئے شارٹ لسٹ ہوگئی۔
فیسٹیول کی جانب سے جاری اعلامیے کے مطابق 44ممالک کی 700فلموں میں 10مختصر فلموں کو شارٹ لسٹ کیا گیا ہے جس میں ہم آواز بھی شامل ہے۔فلم میں زینب نے زاحہ کا کردار کا ادا کیا ہے جو ایک نوجوان صحافی ہیں اور وہ کوئٹہ میں رہ کو لوگوں کی زندگی کے مختلف رنگوں کو اجاگر کرتی ہیں۔
اختر علی نے زاحہ کے والد کا کردار ادا کیا ہے اور وہ اپنی بیٹی کو کوئٹہ شہر کی اصل کہانی نمایاں کرنے پر روکنے کی کوشش کرتے ہیں۔ہم آواز شناختی بحران، خاندانی تعلقات اور خوابوں کی تکمیل کیلئے جدوجہد پر مبنی موضوعات کا احاطہ کرتی ہے۔
