راولپنڈی (رپورٹنگ آن لائن)سری لنکا کے بیٹر کامل مشارا نے کہا ہے کہ ان کی ٹیم میں روزانہ کی بنیاد پر بہتری آ رہی ہے اور وہ سہ ملکی ٹی ٹونٹی فائنل جیتنے کی امید رکھتے ہیں۔
میڈیا سے گفتگو میں مشارا نے بتایا کہ وکٹ ابتدا میں اوپر سے نیچے تھوڑی غیر متوقع تھی، مگر وقت کے ساتھ بہتر ہوئی اور ٹیم نے اس کا اچھا انتظام کر لیا۔ انہوں نے کہا کہ کچھ وقت کے لیے پچ ہارڈ بھی رہی لیکن آخرکار کھیل کے لیے مناسب ثابت ہوئی۔
کامل مشارا نے مزید کہا کہ پاکستانی شائقین کرکٹ ون ڈے اور ٹی ٹونٹی کرکٹ دونوں کو بہت پسند کرتے ہیں اور ان کی بھرپور سپورٹ سے سری لنکن ٹیم کو پاکستان میں کھیل کر بہت اچھا محسوس ہوتا ہے۔ انہوں نے کہا کہ ٹیم جیت کیلئے پرجوش تھی اور خوش ہیں کہ فتح حاصل ہوئی۔انہوںنے کہاکہ ٹیم میں روزانہ کی بنیاد پر بہتری آ رہی ہے اور وہ فائنل میں بھی کامیابی کی توقع رکھتے ہیں۔
