واشنگٹن(رپورٹنگ آن لائن )ترجمان امریکی دفتر خارجہ ٹیمی بروس نے کہا ہے کہ ڈونلڈ ٹرمپ کا ویژن امریکا سمیت دنیا کو بھی عظیم بنائے گا۔
میڈیارپورٹس کے مطابق ترجمان امریکی دفتر خارجہ ٹیمی بروس نے ترکیہ میں نیٹو اجلاس کے موقع پر ویڈیو پیغام میں کہا کہ اس وقت امریکا عالمی سطح پر لیڈر شپ کا کردار ادا کر رہا ہے، ٹرمپ کے اقدامات سے دنیا میں روزگار، دفاع، سکیورٹی اور تعلقات میں بہتری آئے گی۔
ٹیمی بروس کا مزید کہنا تھا کہ امریکی صدر اربوں ڈالر کے معاہدے کر رہے ہیں، دنیا امریکا کے ساتھ دوستی پر فخر کرے گی، امریکا اگر آپ کے ساتھ ہے تو خوشحالی آپ کے ساتھ ہے۔
