اسلام آباد (رپورٹنگ آن لائن)وزیراعظم عمران خان سے معاون خصوصی عثمان ڈار نے ملاقات کی جسمیں ملک بھر میں ٹائیگر فورس ڈے منانے کی تیاریوں پر مشاورت کی گئی ۔وزیراعظم نے نوجوان رضا کاروں کو خود اعتماد میں لینے کا فیصلہ کرلیا ۔
ٹائیگر فورس سے متعلق چین کی جانب سے لکھا گیا خط بھی وزیراعظم کو پیش کر دیا گیا ،وزیراعظم نے عالمی سطح پر ٹائیگر فورس کی پذیرائی پر اظہار مسرت کیا ۔وزیراعظم نے ٹائیگر فورس کی رجسٹریشن ایک بار پھر کھولنے کا عندیہ دیدیا ۔وزیراعظم نوجوانوان کو قومی شجر کاری مہم میں شامل ہونے کی اپیل کریں گے۔
