لاہور (رپورٹنگ آن لائن )گورنر پنجاب عمر سرفراز چیمہ نے کہا ہے کہ وہ دن دور نہیں جب ہم ایک خوددار قوم کے طور پر دنیا میں پہچانے جائیں گے۔ تفصیلات کے مطابق گورنر پنجاب کی گورنر ہاوس لاہور میں مختلف وفود سے ملاقات ہوئیں، اس دوران انہوں نے گفتگو کرتے ہوئے کہا کہ قوم کو دہائیوں بعد دیکھنے کو ملا تھا کہ جمہوری حکومت اور اسٹیبلشمنٹ ایک پیج پر تھے۔
گورنر پنجاب نے کہا کہ ملک دشمنوں کے لئے یہ موت تھی لہذا پہلے دن سے سازش کی تیاری شروع ہوگئی، اور پٹھوں کو ہدایات ملیں۔ عمرسرفراز چیمہ نے کہا کہ بیرونی سازش حکومت اور ملکی مفاد کو نقصان پہچانے کے لئے نیچرل الائنس کے خلاف بھی ہوئی۔ گورنر پنجاب نے کہا کہ اگر ہم بحیثیت قوم پاکستان کا مطلب کیا لا الہ الا للہ پر عمل کریں تو وہ دن دور نہیں جب ہم انشااللہ ایک خوددار قوم کے طور پر دنیا میں پہچانے جائیں گے۔
