اسلام آباد (رپورٹنگ آن لائن)وفاقی وزیر ریلوے محمد حنیف عباسی نے نیشنل پریس کلب کے نومنتخب عہدیداران کو مبارکباد دی ہے۔وزیر ریلوے نے اظہر جتوئی کو صدر، نیئر علی کو سیکریٹری، وقار عباسی کو سیکریٹری فنانس منتخب ہونے پر مبارکباد دی۔
وفاقی وزیر ریلوےمحمدحنیف عباسی نے دیگر نومنتخب عہدیداران کو بھی مبارکباد دی اور نیک تمنائوں کا اظہار کیا۔انہوں نے کہا کہ حکومت آزادی صحافت اور آزادی اظہار رائے پر کامل یقین رکھتی ہے، صحافی برادری ملک کا اہم ستون ہے.
پریس کلب ایک ایسا ادارہ ہے جو صحافیوں کے حقوق، آزادی اظہار رائے اور پیشہ ورانہ ترقی کیلئے نمایاں کردار ادا کر رہا ہے۔ وفاقی وزیر ریلوے نے امید کا اظہار کیا کہ نئی قیادت صحافیوں کی فلاح و بہبود، آزادی صحافت اور قومی مفاد میں مثبت کردار ادا کرے گی۔
