اسلام آباد (رپورٹنگ آن لائن)وفاقی وزیر داخلہ محسن نقوی نے ملک بھر میں اوور بلنگ پر زیرو ٹالرنس پالیسی اپنانے اور ملوث عملے کے خلاف بلا امتیاز ایکشن کا حکم دے دیا۔
ایک بیان میں محسن نقوی نے کہا کہ اوور بلنگ کسی صورت برداشت نہیں کی جائے گی، اوور بلنگ پر کوئی سمجھوتہ نہیں ہوگا۔
وفاقی وزیر داخلہ نے ملک بھر میں بجلی چوروں کے خلاف کریک ڈان تیز کرنے کا حکم دے دیا۔بیان میں ایف آئی اے افسران کو اووربلنگ، بجلی چوروں کیخلاف 100 فیصد کارکردگی کی ہدایت کی گئی ہے۔
محسن نقوی نے کہا کہ اووربلنگ عوام سے ظلم کے مترادف ہے، ملوث عملہ رعایت کا مستحق نہیں، اوور بلنگ کے معاملے پر عوام کو فورا ریلیف دیا جائے۔
