اسلام آباد (رپورٹنگ آن لائن)وفاقی وزیر برائے اطلاعات، نشریات، قومی ورثہ و ثقافت عطاء اللہ تارڑ نے کشمیر جرنلسٹس فورم کے نومنتخب عہدیداران کو مبارکباد دیتے ہوئے کہا ہے کہ کشمیر جرنلسٹس فورم کشمیر کے عوام کی مضبوط آواز ہے.
تحریک آزادی کشمیر، آزاد کشمیر کی سیاست اور عوامی مسائل کو اجاگر کرنے میں کشمیر جرنلسٹس فورم کا اہم کردار رہا ہے۔ بدھ کو اپنے پیغام میں وفاقی وزیر اطلاعات نے عرفان سدوزئی کو کشمیر جرنلسٹس فورم کا صدر اور مقصود منتظر کو سیکرٹری منتخب ہونے پر مبارکباد دی۔
انہوں نے کہا کہ عرفان سدوزئی اور مقصود منتظر کی قیادت میں فورم نئی بلندیوں پر پہنچے گا۔ وفاقی وزیر اطلاعات نے کشمیر جرنلسٹس فورم کے نومنتخب عہدیداران کے لئے نیک تمنائوں کا اظہار کیا۔
