اسلام آباد(رپورٹنگ آن لائن)وفاقی وزیرداخلہ محسن نقوی نے قلات میں فتنہ الہندوستان کے خلاف کامیاب آپریشن پر سکیورٹی فورسز کی ستائش کرتے ہوئے کہا ہے کہ قوم دہشت گردی کے خاتمے کیلئے سکیورٹی فورسز کے شانہ بشانہ کھڑی ہے۔
اتوار کو وزارت داخلہ سے جاری بیان میں وفاقی وزیر داخلہ نے 12 بھارتی سپانسرڈ دہشتگردوں کو جہنم رسید کرنے پر سکیورٹی فورسز کی پیشہ وارانہ صلاحیتوں کو سراہا،سکیورٹی فورسز نے قلات میں کامیاب کارروائی کرکے بھارتی سپانسرڈ دہشتگردوں کے مذموم عزائم کو خاک میں ملا دیا۔
محسن نقوی نے کہا کہ بلوچستان میں فتنہ الہندوستان کو کہیں چھپنے نہیں دیا جائے گا، قوم دہشت گردی کے خاتمے کیلئے سکیورٹی فورسز کے شانہ بشانہ کھڑی ہے،بھارتی سپانسرڈ دہشتگردوں کے مکمل خاتمے تک آپریشنز جاری رہیں گے۔
