کوہاٹ (رپورٹنگ آن لائن)وفاقی حکومت نے کوہاٹ میں بین الااقوامی میعار کی کامسیٹس یونیورسٹی کے قیام کا اعلان کردیا،اس حوالے سے شبلی فراز نے کہا کہ صدر پاکستان بہت جلد اس یونیورسٹی کا افتتاح کریں گے،یونیورسٹی سے کوہاٹ اور قبائلی اضلاع کے ہزاروں نوجوان اعلی تعلیم سے مستفید ہوسکیں گے
، شبلی فراز نے کہا کہ قبائلی اضلاع کے ہزاروں طلبا اعلی تعلیم حاصل کرسکیں گے، قبائلی اضلاع کے طلبا کے لئے یونیورسٹی قائم کررہے ہیں، قبائلی اضلاع کے طلبا کیلئے سب کیمپس بنانے جارہے ہیں، صدر مملکت ڈاکٹر عارف علوی کامسیٹس یونیورسٹی کوہاٹ کا سنگ بنیاد رکھیں گے،ان کا کہنا تھا کہ اعلی تعلیم کے لئے جنوبی اور قبائلی اضلاع کے طلبا کو دور جانا پڑتا تھا، یونیورسٹی سے کے پی کے جنوبی اور قبائلی اضلاع مستفید ہوں گے۔
