سرگودھا (رپورٹنگ آن لائن)قومی اسمبلی میں اپوزیشن لیڈر عمر ایوب نے کہا ہے کہ وفاقی اور پنجاب حکومت نے ملک کو تباہ و برباد کر کے رکھ دیا، تمام مسائل کا واحد حل فریش الیکشن ہیں۔
میڈیا سے بات چیت کرتے ہوئے انہوں نے کہا کہ بشریٰ بی بی کو بانی پی ٹی آئی سے ملنے نہیں دیا جا رہا۔عمر ایوب خان نے کہاکہ ہمارے کیسز میں تاخیر کی وجہ ملک میں آئین کی بالادستی نہ ہونا ہے۔انہوںنے کہاکہ بلوچستان میں آگ لگی ہوئی ہے، حکومت ہوش کے ناخن لے، بلوچستان میں لاپتہ افراد سے متعلق چیف جسٹس آف پاکستان کو آگاہ کیا۔
عمر ایوب نے کہا کہ مسلح افواج کے جوان اور افسران شہید ہوئے، میرا سوال ہے کہ اتنی شہادتیں ہوئی کیوں ہیں؟ ان شہادتوں پر کمیشن بیٹھنا چاہیے اور انویسٹی گیشن کرنی چاہیے۔انہوں نے کہا کہ کرکٹ میں ناکام ہونے پر محسن نقوی سے سوال کریں، کرکٹ میں بار بار ناکام ہونے پر محسن نقوی کو عہدے سے فارغ کرنا چاہیے۔
