اسلام آباد (رپورٹنگ آن لائن)وفاقی وزیر داخلہ محسن نقوی نے راولپنڈی کے ایک علاقے میں فائرنگ کے واقعے کا نوٹس لیتے ہوئے اسلام آباد پولیس کے اسسٹنٹ سب انسپکٹر (اے ایس آئی) علی اکبر کی شہادت پر گہرے دکھ کا اظہار کرتے ہوئے واضح کیا ہے کہ ذمہ دار افراد کو بلا تاخیر قانون کے مطابق سزا دی جائے گی۔وزیر داخلہ نے بیان میں شہید افسر کی خدمات اور قربانی کو سراہا اور ان کے اہل خانہ کے ساتھ دلی ہمدردی کا اظہار کیا۔
انہوں نے کہا کہ وہ اس مشکل وقت میں اہل خانہ کے ساتھ کھڑے ہیں۔محسن نقوی نے اسلام آباد پولیس کے انسپکٹر جنرل سے واقعے کی تفصیلی رپورٹ طلب کی اور فائرنگ میں ملوث تمام ملزمان کی فوری گرفتاری کے احکامات جاری کیے۔انہوں نے کہا کہ ہم شہیداے ایس آئی علی اکبر کے اہل خانہ کے غم میں برابر کے شریک ہیں اور یقین دلایا کہ ذمہ دار افراد کو بلا تاخیر قانون کے مطابق سزا دی جائے گی۔
