اسلام آباد(رپورٹنگ آن لائن)وزیر خارجہ شاہ محمود قریشی 3 روزہ سرکاری دورے پر متحدہ عرب امارت (یو اے ای) روانہ ہو گئے ہیں،ترجمان دفتر خارجہ زاہد حفیظ کے مطابق شاہ محمود قریشی دورے کے دوران اماراتی ہم منصب و دیگر رہنماﺅں سے ملاقاتیں کریں گے،
دفتر خارجہ کے ترجمان کی جانب سے جاری بیان کے مطابق وزیرخارجہ یو اے ای میں پاکستانی کمیونٹی سے ملاقات اور انٹرنیشنل میڈیا سے گفتگو بھی کریں گے،زاہد حفیظ نے بتایا کہ وزیرخارجہ یو اے ای قیادت سے ملاقاتوں میں دوطرفہ تعاون سے متعلق امور پر بات کریں گے،ملاقاتوں کے دوران تجارت، سرمایہ کاری، پاکستانیوں کی فلاح، ملازمت کے مواقع پر بھی بات ہوگی،ان کا کہنا تھا کہ پاکستان اور متحدہ عرب امارات مضبوط برادرانہ تعلقات سے جڑے ہیں، پاک یو اے ای میں مذہب، تاریخ اور اقدار پر مبنی گہرے تعلقات ہیں۔
