لاہور(رپورٹنگ آن لائن)وزیر اعلیٰ پنجاب مریم نوازشریف نے سندھ کے یوم ثقافت کے موقع پر خصوصی پیغام میں کہا ہے کہ سندھ پاکستان اور دنیا کے کونے کونے میں موجودسندھی بہن بھائیوں کوسندھی ثقافتی دن پر مبارکباد پیش کرتی ہوں۔
وزیر اعلیٰ مریم نوازشریف نے اپنے پیغام میں سندھی یوم ثقافت پر محنتی اور مہمان نواز سندھی بہن بھائیوں کو اہل پنجاب کا سلام پیش کیا اور کہا کہ سندھ کی اجرک، سندھی ٹوپی،دلکش موسیقی، شاعری اور پاکستانی کی ثقافتی خوبصورتی میں اضافہ کرتی ہیں۔ سندھ کی خوبصورت اور قدیم تہذیب و ثقافت سب کے لئے دلکشی کا سبب ہیں۔ وزیر اعلیٰ مریم نوازشریف نے کہا کہ سندھ کی ثقافت منفرد اور تنوع سے مالا مال ہے۔
