اسلام آباد (رپورٹنگ آن لائن)وزیر اعظم کی زیر صدارت وفاقی کابینہ اجلاس کل منگل کو ہو گاجس میں ملکی سیاسی اور معاشی صورتحال سمیت 12 نکاتی ایجنڈے پر غور ہو گا،چینی اور گندم کی دستیابی پر تین وزارتیں کابینہ کو بریفنگ دیں گی،وزارت خوراک،کامرس،انڈسٹریز گندم کی امپورٹ،خریداری ای سی سی کے فیصلوں پر بریفنگ دیں گی،چینی کی قیمتوں اور امپورٹ شیڈول پر بریفنگ دی جائے گی،
کنونشن آن انٹرنیشنل سول ایوی ایشن کے آرٹیکل 50 اور 56 میں ترامیم کی توثیق ایجنڈے میں شامل ہے ،ٹی سی پی کے زریعے دوسری ایجنسیوں کو گندم کی امپورٹ کرنے کی ایک بار کی اجازت پر غور ہو گا،گلف ممالک کی شخصیات کیلئے لائیو سٹاک کی ایکسپورٹ کی اجازت دینے کی منظوری دی جائے گی،
نان ٹریٹی ممالک کی جانب سے میوچل لیگل اسسٹنس کی درخواستوں پر کابینہ غور کریگی،ٹیکنالوجی الات اور نظام کی تنصیب کی پالیسی پر وزارت آئی ٹی بریفنگ دیگی،وزارت ریلویز کی بحالی اور تشکیل نو کا پلان منظوری کیلئے پیش ہوگا،کابینہ کی کمیٹی برائے توانائی کے 15 اکتوبر کے فیصلوں کی توثیق ایجنڈا میں شامل ہے جبکہ ای سی سی کے 19 اکتوبر کے فیصلوں می توثیق ایجنڈا میں شامل ہے ،
ایجنڈا کے مطابق سات وزارتوں کے ماتحت اداروں کے ایم ڈیز اور سی ای اوز کے عہدوں پر تقرری پر پیش رفت دی جائے گی،فوجداری قوانین میں ترمیم پر وزارت قانون بریفنگ دیگی،عسکری ائیر لائن کے لائسنس کو منسوخ کرنے کی سمری ایوی ایشن ڈویژن پیش کریگی۔
