لاہور (رپورٹنگ آن لائن) وزیرِ اعظم عمران خان سے وزیرِ اعلی پنجاب سردار عثمان بزدار نے ملاقات کی جس میں چیف سیکٹری پنجاب کامران علی افضل، آئی جی پنجاب راو سردار علی خان اور پرنسپل سیکٹری پنجاب عامر جان بھی شریک تھے ۔
ملاقات میں وزیرِ اعظم کو پنجاب میں جاری ترقیاتی منصوبوں پر پیش رفت، انتظامی امور اور امن و امان کی صوتحال، پنجاب میں کھاد کی کسانوں کو بلا تعطل فراہمی کیلئے اٹھائے گئے انتظامی اقدامات سے بھی آگاہ کیا گیا۔وزیرِ اعظم نے صوبے میں انتظامی اور امن و امان کی صورتحال کو تسلی بخش قرار دیتے ہوئے مزید بہتری لانے کی ہدایات جاری کیں،اسکے علاوہ حکومت کے فلاحی منصوبوں کے اثرات کو عوام تک پہنچانے کیلئے اقدامات اٹھانے کی ہدایات جاری کیں۔وزیرِ اعظم عمران خان سے وزیرِ آباشی پنجاب محسن لغاری نے بھی ملاقات جس میں پنجاب میں جاری آباشی کے منصوبوں پر پیش رفت پر گفتگو ہوئی۔
