اسلام آباد (رپورٹنگ آن لائن)وزیراعظم محمد شہباز شریف سے مسلم لیگ (ن )خیبر پختونخوا کے جنرل سیکرٹری مرتضیٰ جاوید عباسی نے ملاقات کی جس میں مرتضیٰ جاوید عباسی نے وزیراعظم کو خیبر پختونخوا کا دورہ کرنے اور ہزارہ موٹروے پر ایبٹ آباد اور گردونواح کے لوگوں کی سہولت کیلئے ایک اور انٹرچینج کا سنگ بنیاد رکھنے کی دعوت دی ۔
وزیراعظم نے کہاکہ وفاقی حکومت خیبر پختونخوا کے عوام کے فلاح و بہبود کے لیے مکمل تعاون جاری رکھے گی، خیبرپختونخوا کی ترقی کیلئے پر عزم ہیں ۔
