اسلام آباد(رپورٹنگ آن لائن)وزیرِ اعظم محمد شہباز شریف نے قلات میں لیویز پوسٹ پر دہشتگرد حملے کی شدید الفاظ میں مذمت کرتے ہوئے کہاہے کہ دہشتگردوں کے ناپاک عزائم کو کامیاب نہیں ہونے دیں گے۔
اپنے بیان میں وزیرِ اعظم نے حملے میں شہید ہونے والے اہلکار علی نواز کو خراج عقیدت پیش کرتے ہوئے شہید کی بلندی درجات اور اہل خانہ کیلئے صبر کی دعا ء کی ۔وزیرِ اعظم نے حملے میں زخمی ہونے والے اہلکاروں کی جلد صحت یابی کی دعا کی اور کہاکہ دھشتگرد بلوچستان کی تعمیر و ترقی کے دشمن ہیں۔
انہوںنے کہاکہ دھشتگردوں کے ناپاک عزائم کو کامیاب نہیں ہونے دیں گے۔ شہبازشریف نے کہاکہ لیویز اہلکار نے وطن کی حفاظت کی خاطر اپنی جان کا نذرانہ پیش کیا۔ انہوںنے کہاکہ وطن کے امن کی خاطر جان قربان کرنے والے علی نواز شہید کو سلام پیش کرتے ہیں۔
