لاہور(رپورٹنگ آن لائن )وزیر اعلی پنجاب سردار عثمان بزدار کی زیر صدارت وزیراعلیٰ آفس میں اعلیٰ سطح کا اجلاس منعقد ہوا جس میں مزارات کی تعمیر و توسیع اور تزئین و آرائش کے منصوبوں کا جائزہ لیا گیا ـ
وزیراعلیٰ عثمان بزدار نے مزارات کی تعمیر و توسیع کا ماسٹر پلان تیار کرنے کی ہدایت کی ـ اجلاس میں داتا دربارکے اردگرد ٹریفک کی روانی اور پیدل چلنے والے زائرین کے لئے راستہ مخصوص کرنے کافیصلہ کیا گیاـ وزیر اعلی عثمان بزدا رنے کہا کہ داتا دربار سے منسلک ایریا میں گرین بیلٹ اور پارک بنایاجائے گا جبکہ داتا دربار میں پارکنگ کے لئے بیسمنٹ کا ایریا مخصوص کیا جائے گا اورپارکنگ بیسمنٹ سے اوپر جانے کیلئے جدیدترین لفٹ نصب کی جائے گیـداتادربار میں مزید 100نئے ٹوائلٹس کابلاک بنایاجائے گا
ـانہوںنے کہاکہ حضرت بی بی پاک دامن کے مزار کی نئی عمارت 15کروڑ روپے کی لاگت سے مکمل ہوگی اورنئی عمارت میں مسافر خانہ ،واش رومز ، لنگر خانہ ، مرد و خواتین کے الگ ہال بنیں گے جبکہ پاکپتن میں بابا فرید گنج شکر کے مزار کی ڈیڑھ کروڑ روپے کی لاگت سے تعمیر و توسیع کی جائے گی ـمزارات پر ہر ہفتے مذہبی سیاحت ٹورزکااہتمام کیا جائے گاـچاکر اعظم رند کے مقبرے کے توسیعی منصوبے کا جلد افتتاح کیاجائے گاـلاہور سے اوکاڑہ ایک روزہ ٹورز جلد شروع کئے جائیں گےـوزیراعلیٰ نے متعلقہ حکام کو ہدایت کی کہ منشیات کے عادی افرا دکو مستقل طورپر بحالی مراکز میں منتقل کیاجائےـ
اجلاس میں داتا دربار کے قریب پیدل افراد کے لئے زیر زمین راستے بنانے کی تجویزپر غور کیا گیا اورحضرت باباموج دریا کے مزار کی تعمیر و توسیع کے پراجیکٹ کاجائزہ لیاگیاـاجلاس میں ڈی جی والڈسٹی لاہور اتھارٹی کامران لاشاری، سیکرٹری لوکل گورنمنٹ اینڈ کمیونٹی ڈویلپمنٹ، سیکرٹری اوقاف، سیکرٹری ٹورازم، کمشنر لاہور ڈویژن،ڈپٹی کمشنر لاہور ،ڈی جی پی ایچ اے اور متعلقہ حکام نے شرکت کیـ
