اوکاڑہ ( شیر محمد)ممبر قومی اسمبلی ملک محمد افضل کھوکھر و چیئرمین پنجاب سہولت بازار اتھارٹی کی ہدایات کے مطابق 30 کروڑ روپے کی خطیر رقم سے سٹیٹ آف دی آرٹ ماڈل سہولت بازار کے ترقیاتی کام اپنے آخری مراحل میں داخل ہو چکے ہیں اور جلد ماڈل سہولت بازار میں قائم کی جانے والی تمام 108 دکانوں کی قرعہ اندازی کر دی جائے گی.
ان خیالات کا اظہار ثاقب شہزاد مینجر و انچارج ماڈل سہولت بازار نے ترقیاتی کاموں کا جائزہ لیتے ہوئے کیں، اس موقع پر انہوں نے کہا کہ ماڈل سہولت بازار میں دکانداروں کو 150 واٹ مفت بجلی فراہم کرنے کے ساتھ ساتھ سولر سسٹم بھی انسٹال کیا جا رہا ہے، اس کے علاوہ سی سی ٹی وی کیمروں کی مدد سے بازار کی مانیٹرنگ کے لیے بھی میکانزم تیار کیا جائے گا.
انہوں نے کہا کہ ماڈل سہولت بازار میں دکانیں حاصل کرنے کے لیے 25 اکتوبر تک درخواستیں جمع کروائی جا سکتی ہیں جبکہ 30 اکتوبر کو دکانوں کی قرعہ اندازی کی جائے گی اور درخواست گزار صرف 7500 روپے میں بہترین سہولیات سے آراستہ ماڈل سہولت بازار میں دکانیں بذریعہ قرعہ اندازی حاصل کر سکتے ہیں۔
