کوئٹہ (رپورٹنگ آن لائن)کوئٹہ کے مشن روڈ پر پولیس اہلکاروں کی جانب سے خواتین پر تشدد کی ایک ویڈیو وائرل ہوئی اس ویڈیو میں قائد آباد پولیس تھانے کے اہلکاروں کی جانب خواتین پر تشدد کرکے انہیں پولیس موبائل میں ڈالتے دیکھا جا سکتا ہے۔قائد آباد پولیس تھانے کے حکام کا کہنا تھا کہ ویڈیو میں نظر آنے والی لڑکی زینب مبینہ طور پرگھر سے بھاگی تھیں اور اپنی دو سہیلیوں کے ساتھ رہ رہی تھی۔
پولیس کے مطابق لڑکی کے والد غلام حسین کی جانب سے قائد آباد تھانے میں رپورٹ درج کرائی گئی تھی جبکہ لڑکی کے رشتہ داروں کی جانب سے مشن روڈ پر ان کی موجودگی کی اطلاع پر پولیس نے کارروائی کی،کارروائی کے دوران لڑکیاں ہاتھ پائی کررہی تھیں۔
مبینہ غفلت سے نوجوان کی ہلاکت کا ذمہ دار قرار دینے پر ینگ ڈاکٹرز نے دھرنا دیدیادوسری جانب وزیراعلیٰ بلوچستان نے کوئٹہ پولیس کی جانب سے خواتین پر تشدد کے واقعہ کا نوٹس لیتے ہوئے آئی جی پولیس کو واقعہ میں ملوث پولیس اہلکاروں کے خلاف فوری کاروائی کا حکم دیا۔وزیراعلیٰ کے نوٹس لینے پر ایس ایس پی کوئٹہ نے قائد آباد تھانے کے ایڈیشنل ایس ایچ او نوید مختار کو معطل کردیا۔
