اسلام آباد(رپورٹنگ آن لائن)وزیراعظم عمران خان نے معاشی ترقی کے لیے سرمایہ کاروں کو راغب کرنے کے لیے اصلاحات کا عمل تیز کرنے کی ہدایت کرتے ہوئے کہا کہ حکومت خاص طور پر گیس اور معدنیات کے شعبوں پر توجہ مرکوز کیے ہوئے ہے، بیرون ملک مقیم پاکستانیوں کو معیشت کے ترجیحی شعبوں میں سرمایہ کاری کی ترغیب دے رہے ہیں،
تفصیلات کے مطابق وزیر اعظم عمران خان کی زیر صدارت اقتصادی مشاورتی کونسل کا اجلاس ہوا جس میں ملک میں معاشی تبدیلی کے لیے بڑے شعبوں میں حکومتی اصلاحات کا جائزہ لیا گیا،اجلاس سے خطاب کرتے ہوئے وزیراعظم عمران خان کا کہنا تھا کہ حکومت خاص طور پر گیس اور معدنیات کے شعبوں پر توجہ مرکوز کیے ہوئے ہے، بیرون ملک مقیم پاکستانیوں کو معیشت کے ترجیحی شعبوں میں سرمایہ کاری کی ترغیب دے رہے ہیں،وزیراعظم نے متعلقہ حکام کو ہدایت کی کہ سرمایہ کاروں کو راغب کرنے کے لیے اصلاحات کاعمل تیز کریں، کاروبار میں آسانی یقینی بنائیں، برآمدات میں تنوع اور درآمدات کے متبادل تلاش کریں۔
