اسلام آباد(رپورٹنگ آن لائن ) وزیراعظم عمران خان نے این سی اوسی کوکوروناپرضروری گائیڈلائنز کے اجرا کی ہدایت کرتے ہوئے کہا وبا بڑھنے کے پیش نظر اسپتالوں کی استعداد کار بہتربنائیں، این سی اوسی فریقین کی مشاورت سے مستقبل کا کورس ترتیب دے۔
تفصیلات کے مطابق وزیراعظم کی زیرصدارت قومی رابطہ کمیٹی کا اجلاس ہوا جس میں وفاقی وزرا نے شرکت کی جبکہ وزرائے اعلی بذریعہ ویڈیولنک اجلاس میں شریک ہوئے۔ اجلاس میں وزیراعظم کوکوروناکی موجودہ صورتحال،حکومتی اقدامات ، کوروناکے پھیلاو اور مثبت کیسز کی شرح میں اضافے پر بریفنگ دی گئی۔
وزیراعظم کی صحت کے تحفظ کیلئے بروقت اقدامات پر این سی اوسی کی تعریف کی۔ اجلاس کے اعلامیے میں قومی رابطہ کمیٹی نے این سی اوسی کے حالیہ اقدامات کی تائید کرتے ہوئے این سی سی کے ماسک کے استعمال اور مارکیٹس بندش کے اوقات میں کمی کی توثیق کردی۔ قومی رابطہ کمیٹی این سی سی کی ریسٹورینٹ،شادی ہال،اسمارٹ لاک ڈا ون کے فیصلے کی بھی توثیق کی۔
وزیراعظم نے وبا پر قابو اور شہریوں کے رہن سہن میں توازن کی ہدایت کرتے ہوئے کہا وبابڑھنے کے پیش نظراسپتالوں کی استعداد کار بہتربنائیں۔ عمران خان نے اسپتالوں میں انتہائی نگہداشت کےآلات کی دستیابی کی ہدایت کرتے ہوئے کہا این سی اوسی فریقین کی مشاورت سے مستقبل کا کورس ترتیب دے۔ وزیراعظم نے این سی اوسی کو کورونا پر ضروری گائیڈ لائنز کے اجرا کی ہدایت کردی۔
