شہباز اکمل جندران۔۔۔
وزیراعظم عمران خان کا بلین ٹری سونامی پراجیکٹ مبینہ طور پر ناکام اور ڈیڈہو گیا ہے۔
ٹین بلین ٹری سونامی پراجیکٹ 2019 میں شروع ہوکر 2023 میں مکمل ہوگا۔منصوبے کے تحت پنجاب 26 ارب روپے سے زائد کی مالیت سے 46 کروڑ پودے لگائے جانے ہیں۔
تاہم 4 سالا منصوبے میں دوسال سے زائد عرصہ گزرنے کے بعد پنجاب میں محض 3 ارب 29 کروڑ روپے کی لاگت سے 5 کروڑ 82لاکھ 46ہزار پودے ہی لگائے جاسکے ہیں۔اور 2023 تک منصوبے کی تکمیل ناممکن دکھائی دیتی ہے۔
اس سلسلے میں گفتگو کرتے ہوئے ٹین بلین ٹری سونامی پراجیکٹ کے پنجاب میں پراجیکٹ ڈائریکٹر جاوید گل کہتے ہیں۔کہ منصوبہ 2023 تک مکمل نہی ہوپائیگا۔
ان کہنا تھا کہ کووڈ-19 کی وجہ سے گزشتہ برس ٹین بلین ٹری سونامی پراجیکٹ پنجاب کو فنڈز جاری نہیں ہوئے جس کی وجہ سے منصوبہ سست روی کا شکار ہوگیا ہے۔
