اسلام آباد (رپورٹنگ آن لائن)وزیراعظم عمران خان نے چینی صدر شی جن پنگ کے ساتھ ٹیلی فونک رابطہ کر کے کمیونسٹ پارٹی کے 100 سال مکمل ہونے پر مبارکباد دی، دونوں رہنماوں کا باہمی اقتصادی اور تجارتی تعلقات سمیت مختلف شعبوں میں پاک چین کو مزید مضبوط بنانے پر اتفاق کیا ۔
تفصیلات کے مطابق وزیراعظم عمران خان اور چین کے صدر شی جن پنگ کے درمیان ٹیلیفونک رابطہ ہوا جس میں وزیراعظم عمران خان نے چینی صدر کو کمیونسٹ پارٹی کی صد سالا تقریبات پر مبارکباد دی۔اعلامیہ کے مطابق وزیراعظم عمران خان نے 4 دہائیوں کے دوران چین سے غربت کے خاتمے اور اصلاحات کو سراہا اور دونوں رہنماوں نے پاک چین دوستی کے 70 سال مکمل ہونے پر ایک دوسرے کو مبارکباد دی بھی دی، ٹیلی فونک گفتگو کے دوران دونوں رہنماوں نے دوطرفہ امور اور شرکت داری کے مختلف پہلوں کا جائزہ لیا۔اعلامیہ میں کہا گیا ہے کہ دونوں رہنماوں نے علاقائی اور بین الاقوامی صورتحال پر بھی تبادلہ خیال کیا جب کہ وزیراعظم عمران خان نے کورونا کے خلاف چین کے اقدامات کی تعریف کی اور چین کی جانب سے ترقی پذیر ممالک کے لئے انسداد کورونا امداد کو سراہا۔
ٹیلی فونک گفتگو میں دونوں رہنماوں نے باہمی اقتصادی اور تجارتی تعلقات کو مزید مضبوط بنانے پر اتفاق کیا جب کہ سی پیک منصوبوں کی بروقت تکمیل سے متعلق بھی خصوصی بات چیت کی گئی، وزیراعظم نے سی پیک کے اقتصادی زون میں چینی سرمایہ کاری کا خیرمقدم کیا۔ دونوں رہنماں نے افغانستان کی تازہ صورتحال پر بھی بات چیت کی، اس موقع پر وزیراعظم عمران خان نے کہا کہ افغان عوام کو معاشی مسائل سے نکالنے کے لیے دنیا کردار ادا کرے، افغانستان کو انسانی بحران سے بچانے کے لیے مدد کرنی ہوگی۔
وزیراعظم نے موسمیاتی تبدیلیوں سے نمٹنے کےلیے چینی اقدام کو سراہا جب کہ دونوں رہنماوں میں مختلف شعبوں میں پاک چین تعاون مضبوط بنانے پر اتفاق بھی کیا، اس کے علاوہ وزیراعظم عمران خان نے چینی صدر کو جلد دورہ پاکستان کی دعوت دی۔
