اسلام آباد (رپورٹنگ آن لائن)وفاقی وزیر برائے امور کشمیر، گلگت بلتستان و سیفران انجینئر امیر مقام نے اقوام متحدہ کی جنرل اسمبلی سے وزیراعظم کے خطاب کا خیر مقدم کرتے ہوئے کہا ہے کہ وزیراعظم نے اقوام متحدہ کی جنرل اسمبلی سے خطاب میں مسئلہ کشمیر کو بھرپور انداز میں اجاگر کیا،وزیراعظم پاکستان نے اپنے خطاب میں مسئلہ فلسطین کو بھی بھرپور انداز میں اجاگر کیا۔
یہاں جاری بیان میں انجینئر امیر مقام نے کہا کہ وزیراعظم پاکستان کی جانب سے مقبوضہ کشمیر اور فلسطین میں مظالم کو اجاگر کرنے پر انہیں خراج تحسین پیش کرتے ہیں،وزیراعظم کی تاریخی تقریر کشمیری عوام اور فلسطین کے عوام کی امنگوں کی پوری طرح عکاسی کرتی ہے۔
انہوں نے کہا کہ وزیر اعظم شہباز شریف نے مقبوضہ کشمیر میں نہتے کشمیریوں پربھارت کے مظالم کو اجاگر کیا، وزیراعظم شہباز شریف نے غیر قانونی طور پر مقبوضہ جموں و کشمیر اور فلسطین جیسے دیرینہ مسائل کو حل کرنے کی اہمیت پر واضح طور پر بات کی۔انجینئر امیر مقام نے کہا کہ وزیر اعظم نے اقوام متحدہ میں اسلامو فوبیا کے خلاف بات کر کے مسلمانوں کے دل جیت لیے ہیں،وزیراعظم نے پوری امت مسلمہ کی وکالت کی ہے۔انجینئر امیر مقام نے کہا کہ وزیراعظم نے پوری دنیا میں پاکستان کا امیج اجاگر کیا ہے،اسرائیلی وزیراعظم کی تقریر کے دوران پاکستانی وفد کا واک آؤٹ انتہائی قابل تحسین اقدام تھا۔
٭٭٭٭٭
