جہلم(رپورٹنگ آن لائن)وفاقی وزیر اطلاعات فواد چوہدری نے کہا ہے ،وزیراعظم عمران خان کا دورہ روس گیم چینجر ہو گا،چین کے بعد روس کے ساتھ پاکستان کے مستحکم تعلقات قائم ہونے جا رہے ہیں، مریم نواز لندن سے اپنے پیسے واپس لے آئیں تو حالات کافی بہتر ہو جائیں گے،ملک کا وزیراعظم اور عوامی نمائندہ وہ ہونا چاہیے جو لوگوں کی عزت میں اضافہ کر سکے عمران خان کے لیول کا کوئی لیڈر پاکستان میں موجود نہیں ہے،ہمارے مخالفین سیاسی بونے ہیں، ان کی آواز عالمی سطح پر نہیں سنی جاتی،
ہفتہ کو میڈیا سے گفتگو کرتے ہوئے فواد چوہدری نے کہا کہ اسلامو فوبیا سمیت مختلف معاملات پر عالمی برادری نے عمران خان کے موقف کو ہمیشہ سنا ہے، دورہ چین کے موقع پر وزیراعظم عمران خان کا شاندار استقبال کیا گیا،23سال بعد کوئی بھی پاکستانی لیڈر ماسکو کا دورہ کرنے جا رہا ہے،وزیراعظم عمران خان کا دورہ روس گیم چینجر ہو گا،چین کے بعد روس کے ساتھ پاکستان کے مستحکم تعلقات قائم ہونے جا رہے ہیں، وزیر اطلاعات نے کہا کہ مریم نواز لندن سے اپنے پیسے واپس لے آئیں تو حالات کافی بہتر ہو جائیں گے،
مریم نواز کو احساس ہے تو اپنے ابو اور بھائیوں سے کہیں کہ پاکستانیوں کا پیسہ واپس کریں،کا پی ڈی ایم کی جانب سے تحریک عدم اعتماد پر تبصرہ کرتے ہوئے فواد چوہدری نے کہا کہ یہ منہ اور مسور کی دال،ہمارے خلاف عدم اعتماد لانا چاہتے ہیں ان کے گھر والے بھی ان پر اعتماد نہیں کرتے،اپوزیشن سینیٹ میں اکثریت کے باوجود اپنے ووٹ پورے نہیں کروا سکی،اپوزیشن میں جرات ہے تو کل ہی عدم اعتماد لے کر آئیں،
انہوں نے کہا کہ عمران خان کی حکومت کو وفاق اور پنجاب میں کوئی خطرہ نہیں،جہانگیر ترین کے ساتھ احترام کا تعلق ہے ، توقع ہے کہ وہ پارٹی کے ساتھ رہیں گے، جہلم میں بلدیاتی انتخاب پہلے مرحلے میں ہے،پی ٹی آئی کے کارکن کمر کس لیں،جہلم کے عوام سے کیے گئے تمام وعدے پورے کیے ہیں،وقت آ گیا ہے کہ جہلم کے لوگوں کا اعتماد دوبارہ حاصل کی جائے، فواد چوہدری نے کہا کہ ماضی کی طرح اس بار بھی پی ٹی آئی جہلم میں کلین سویپ کرے گی،محسن بیگ نے مراد سعید کیلئے جو بیہودہ زبان استعمال کی اس پر ایف آئی اے نے کارروائی کی،پاکستان کا کوئی بھی شخص محسن بیگ جیسے طرز کلام کی حمایت نہیں کرتا،قانون انہیں احترام سکھانا چاہتا ہے ،مراد سعیدنے آگے بڑھ کے معاملے پر ایف آئی آر درج کرائی،پوری قوم ان کے ساتھ کھڑی ہے۔
